Сакате да го претворите вашиот бизнис во вистинска успех-приказна? Имате одлична идеја, но ви недостасуваат алатки да ја реализирате? Сакате да научите како да создадете можности, да ги избегнете најчестите грешки и да го забрзате растот на компанијата?

Аплицирајте за LEADER Project, најдоброто практично искуство за претприемачи во Македонија!

Македонија2025 објавува Отворен повик за обуката LEADER Project, која по 18. пат ќе се одржи во Скопје од 14 до 27 април 2026 година.

LEADER Project се реализира во соработка со Richard Ivey Business School при Western University (Канада), школа која успешно го спроведува овој програм уште од 1991 година. Станува збор за интензивна обука од 10 работни дена со елементи на МВА ниво, наменета да ги поттикне и поддржи македонските претприемачи, млади менаџери и професионалци да развијат локални, регионални или меѓународни бизнис решенија кои создаваат нови можности за општествен и економски развој.

Учесниците ќе ги развијат своите аналитички вештини и бизнис инстинкт, а ќе работат непосредно со инструкторите за да ги претворат своите идеи во реални бизниси или да воведат иновации во веќе постоечките компании.

Целна група

• Лица до 35 години
• Претприемачи
• Сопственици и раководители на компании
• Млади професионалци кои сакаат да ја реализираат својата бизнис идеја или да напредуваат во кариерата
• Сите заинтересирани за продлабочување на знаењето од областа на бизнисот и претприемништвото

Услови за аплицирање

• Одлично познавање на англискиот јазик
• Солидни презентациски и комуникациски вештини
• Иновативна бизнис идеја или постоечки бизнис со потенцијал за раст
• Желба за учење и унапредување, силна мотивација за професионален развој
• Можност за присуство на сите сесии (4 часа секој работен ден).

Клучни придобивки

• Ќе ги научите алатките и вештините за правилно водење на бизнис преку интерактивниот метод „студии на случај“.
• Ќе стекнете знаење за секоја фаза од развојот на бизнисот (стратегија, финансии, маркетинг, промоција, продажба и раст).
• Ќе ги идентификувате најголемите пречки заедно со инструкторите.
• Достапни се индивидуални менторски сесии со инструктори или ментори од Macedonia2025.

Предавањата ги подготвуваат и одржуваат високо квалификувани инструктори од Richard Ivey Business School, Канада.

Начин на реализација

Програмата се одржува со физичко присуство и се состои од 10 сесии по 4 часа (студија на случај, предавање и претприемачко коучинг).

Датум и локација

14 до 27 април 2026 година, секој работен ден по 4 часа, Скопје. Точната локација ќе биде дополнително објавена.

Начин на аплицирање

Пополнете ја апликацијата ТУКА и прикачете:

• Пополнет образец
• Cv на англиски (europass или сличен)
• Кратка биографија до 200 збора на англиски
• Фотографија со висока резолуција

Селекција

Административна проверка од Macedonia2025, по потреба може да се побараат дополнителни документи или краток интервју. Изборот на учесници ќе биде завршен до 3 април 2026, известување за изборот ќе се испрати исто така до 3 април 2026.

Котизација

Вредноста на обуката е 500 €. Учесниците плаќаат симболични 70 € + ДДВ, останатото го покрива Macedonia2025.

Важно

Сертификат добиваат само учесници со минимум 8 присутни денови. Избраните учесници се очекува да се вклучат во идни активности на Macedonia2025 и да пополнат евалуација за влијанието на обуката.

Апликациите се отворени сега!

Рок на пријавување: 15 март 2026 година, 23:59 часот.

Местата се ограничени, не ја пропуштајте оваа единствена можност!