Month: February 2025

Ајде заедно да ги инспирираме идните генерации научници! 

Во рамките на нашата кампања „Наука за иднината“, која ја спроведуваме во рамките на Џонсон Мети програмата за влијание на заедницата “Науката и Јас„, со задоволство ја споделуваме инспиративната приказна на Елена Станковска, магистер по хемиски науки и самостоен истражувач во хемиското одделение на АД Гранит Скопје. Преку својата љубопитност и посветеност, таа ни покажува дека науката не е само збир на факти, туку начин на размислување, истражување и постојано откривање на чудата што нè опкружуваат. 

Елена верува дека љубовта кон науката започнува со восхитот кон животот, љубопитноста да се откриваат неговите тајни и желбата за учење без граници. Еве како таа го раскажува своето искуство и ја споделува својата инспирација: „Дали знаете дека кога сперматозоидот ќе се спои со јајце клетката се создава блесок како резултат на ослободување на големо количество на цинк? Дали знаете дека митохондриите содржат уникатна ДНК која се наследува исклучиво од мајката? Сте слушнале ли за мезентериум, прогласен за орган на дигестивниот тракт во 2016 година, а чија функција сè уште е непозната? Дали знаете дека е потребен повеќе од еден мозок за да се креира човечки ум? 

Се викам Елена Станковска, магистер сум по хемиски науки и самостоен истражувач во хемиското одделение на една приватна фирма. За мене науката е еден од начините да се објасни мистеријата на животот. Завршувањето на студиите по хемија, а потоа и магистратурата беше зародишот, попрецизно кажано сеќавање на “восхитот” од чудото наречено живот кое го има секое дете. Јас сè уште се обидувам да го негувам тој восхит, да учам и да се надградувам. 

Секој од нас започнал со блесок, па блескајте секојдневно во својот живот и во животите на другите. Не престанувајте да се исчудувате и восхитувате, затоа што чудата се во нас и секаде околу нас.“ 

Оваа приказна е потсетник дека науката е клучот за откривање на тајните на животот. Продолжете да истражувате, да прашувате и да откривате – бидејќи најголемите чуда се оние што сè уште не сме ги откриле! 

Нејзината мотивациска порака е: “If you are not part of the solution, you are part of the precipitate! / Ако не сте дел од растворот, вие сте дел од талогот!„. 

Моќта на знаењето 

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред. 

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста. 

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  

Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК   

Повеќе за промотивната кампања „НАУКА ЗА ИДНИНАТА“ 

Ви благодариме што сте дел од ова неверојатно патување!  

Продолжете да ја следите нашата кампања за повеќе инспиративни приказни! 

Кампањата е имплементирана во рамки на Johnson Matthey Програмата за влијание на заедницата „Науката и јас“.   

Повеќе за проектот во Македонија „Науката и јас“  и за самата глобална иницијатива на Џонсон Мети тука 

Науката е патување полнo со изненадувања и откритија! 

Во рамките на нашата кампања „Наука за иднината“, која ја реализираме како дел од Џонсон Мети програмата за влијание на заедницата „Науката и Јас“, со задоволство ви ја претставуваме инспиративната приказна на Џенан Ризвановиќ, наставник по биологија во ООУ „Алија Изетбеговиќ“ од Скопско Батинци. 

Џенан е наставник кој со љубов и ентузијазам ги воведува своите ученици во светот на биологијата, мотивирајќи ги да истражуваат, да прашуваат и да откриваат. Според него, науката не е само учење факти – тоа е авантура исполнета со забавни моменти, нови откритија и мистерии кои чекаат да бидат разоткриени. 

Неговата мисија е да ги инспирира учениците да ја гледаат природата од друга перспектива, да ја истражуваат и да се воодушевуваат од нејзините чуда. Тој верува дека љубопитноста е клучот за длабоко разбирање на светот околу нас и дека најдобриот начин за учење е преку практично истражување и експериментирање. 

Неговата мотивациска порака до учениците е: “Науката ќе ви пружи многу забавни моменти при учењето и ќе ви открие сосема нов свет на знаења за кој не сте ни знаеле дека постои. Затоа учете, истражувајте, пробувајте и експериментирајте – само така сами ќе ги откривате и ќе уживате во сите чуда на природата околу нас!„ 

Џенан нè потсетува дека учењето е најубаво кога е забавно, а природата е полна со чуда што чекаат да бидат откриени. 

Бидете љубопитни, поставувајте прашања и истражувајте! 

Следете нè за повеќе инспиративни приказни од наставници и научници кои секојдневно ги инспирираат младите умови да го откриваат светот на науката. 

Моќта на знаењето 

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред. 

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста. 

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК   

Повеќе за промотивната кампања „НАУКА ЗА ИДНИНАТА“ 

Ви благодариме што сте дел од ова неверојатно патување! 

Кампањата е имплементирана во рамки на Johnson Matthey Програмата за влијание на заедницата „Науката и јас“.   

Повеќе за проектот во Македонија „Науката и јас“  и за самата глобална иницијатива на Џонсон Мети тука 

Преку науката ги откриваме световите во светот! 

Науката е патување низ бескрајни светови – од микроскопските организми до сложените механизми што го движат животот. Во рамките на нашата кампања „Наука за иднината“, која ја реализираме како дел од Џонсон Мети програмата за влијание на заедницата „Науката и Јас“, со задоволство ја споделуваме инспиративната приказна на Теодора Атанасовска, студентка по молекуларна биологија со генетика на Институтот за биологија при Природно-математичкиот факултет на УКИМ во Скопје и стипендистка на Македонија2025 преку програмата „Атанас Близнакоф“ за студентска извонредност. 

Теодора уште од најрана возраст била привлечена од мистериите и откривањето на нови светови преку книгите. Но, со текот на времето открила дека најголемите мистерии не се само на страниците од романите, туку во самата природа – во клетките, гените и молекулите што го создаваат животот. Низ своето образовно патување, Теодора ја пронашла својата страст токму во науката и денес преку молекуларната биологија открива светови кои се невидливи за голото око, но суштински важни за нашето постоење. 

Еве како таа го раскажува своето научно патување: „Јас сум Теодора Атанасовска, студент по Молекуларна биологија и генетика во втора година. Прва љубов ми беа книгите, а втора науката. Во книгите ме привлекуваа мистериите и можноста за откривање на нови светови. Се одлучив за биологија кога сфатив дека таму се кријат најголемите мистерии за животот и природата. Преку биологијата можам да откријам бесконечно многу светови – од малите микроорганизми, преку процесите во клетките, па сè до случувањата на молекуларно ниво. Уште по завршување на основното училиште знаев дека сакам да се занимавам со некоја природна наука, па се запишав на Природно-математичкиот смер Б во Кумановската гимназија. На часовите по биологија, најмногу ми го привлекоа вниманието лекциите за молекуларната биологија, па одлучив да го продолжам своето образование во оваа насока. 

Сега, на факултет, секојдневно се запознавам со нови подрачја од биологијата. Планирам и се надевам и понатаму да ги продлабочувам своите знаења и во иднина дури и да придонесам за нови откритија.“ 

Теодора нè потсетува дека науката е бескрајна авантура исполнета со мистерии кои чекаат да бидат откриени. Љубопитноста е клучот, а знаењето е патот. Токму тоа е и нејзината мотивациска порака која гласи „Преку науката ги откриваме световите во светот!“ 

Да ги инспирираме идните генерации научници! 

Следете нè за повеќе приказни кои ќе го разбудат љубопитниот дух кај младите истражувачи!  

Моќта на знаењето 

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред. 

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста. 

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК   

Повеќе за промотивната кампања „НАУКА ЗА ИДНИНАТА“ 

Ви благодариме што сте дел од ова неверојатно патување! 

Кампањата е имплементирана во рамки на Johnson Matthey Програмата за влијание на заедницата „Науката и јас“.   

Повеќе за проектот во Македонија „Науката и јас“  и за самата глобална иницијатива на Џонсон Мети тука 

Ајде заедно да ги инспирираме идните генерации научници!

Во рамките на кампањата „Наука за иднината“, која ја реализираме како дел од Џонсон Мети програмата за влијание на заедницата „Науката и Јас“, со гордост ја споделуваме инспиративната приказна на Анамарија Митковска, студентка на насоката молекуларна биологија со генетика на Институтот за биологија при Природно-математичкиот факултет во Скопје (УКИМ) и стипендистка на Македонија2025 преку програмата „Атанас Близнакоф“ за студентска извонредност.

Анамарија е доказ дека љубопитноста и желбата за истражување можат да бидат водечки сили во животот. Од првиот момент кога се соочила со биологијата како предизвик, до денес – кога ја проучува суштината на животот на молекуларно ниво – таа ја следи својата страст со неуморен ентузијазам.

Еве како таа го раскажува своето патување низ науката: „Секое ново откритие создава нова љубопитност, а таа љубопитност води кон ново истражување.

Мојот пат низ светот на науката започна на 12-годишна возраст, кога за првпат навлегов подлабоко во светот на биологијата. Се соочив со голем предизвик – државен натпревар по биологија. Тогаш за првпат зачекорив во еден од амфитеатрите на Природно-математичкиот факултет. Тој ден ми остави неизаборавен впечаток – чувството на возбуда, инспирација и восхит пред светот на науката станаа дел од мене.

Како што времето поминуваше, мојата љубов кон биологијата стануваше сè поголема. Во средно училиште се запознав со нова гранка – молекуларна биологија со генетика. Дотогаш, живите организми ги гледав како целина, но со проучување на молекуларната биологија почнав да навлегувам во нивната суштина, во молекуларните механизми што го движат животот.

Иако многу концепти ми беа нови и сложени, со голем ентузијазам и љубов ги истражував, за на крај да станам студент на насоката молекуларна биологија со генетика. Секој ден на факултет за мене е нова авантура, ново патување низ светот на науката. Едвај чекам да откријам нешто ново, да го проучам во детали и да ги поврзам знаењата што ги стекнувам.

Биологијата не е само наука за мене – таа е начин на размислување, начин на живот.“

Што ја мотивира да продолжи понатаму?: „Науката е мојот компас, љубопитноста мојот двигател, а откритието мојата цел – со секој чекор напред, го откривам непознатото.“ Токму затоа, ако науката е вашиот повик, не двоумете се да го следите! Продолжете да истражувате, да учите и да го откривате светот – чекор по чекор, молекула по молекула.

Следете нè за повеќе инспиративни приказни од идните научници и истражувачи!

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика. Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК

Повеќе за промотивната кампања „НАУКА ЗА ИДНИНАТА“

Ви благодариме што сте дел од ова неверојатно патување!

Кампањата е имплементирана во рамки на Johnson Matthey Програмата за влијание на заедницата „Науката и јас“. Повеќе за проектот во Македонија „Науката и јас“ и за самата глобална иницијатива на Џонсон Мети тука.